Azərbaycan, Bakı, 9 mart / Trend , müxbir H.Vəliyev/
AzNet şəbəkəsində Azərbaycan dilində yeni axtarış sistemi - www.xaos.az yaranıb.
Hazırlayanların təsdiqlədiyi kimi, yeni xidmət internet istifadəçilərinə təqdim edilən, hamı tərəfindən qəbul olunan axtarış sistemlərindən tamamilə fərqlənir. Sistemdə ölkələr üzrə axtarış aparmağa imkan verən funksiya reallaşdırılıb. Bu gün Azərbaycan, Türkiyə, Ukrayna, Gürcüstan, Rusiya, Qazaxıstan və İranın internet şəbəkəsi seqmenti üzrə axtarış həyata keçirməyə və seçilmiş ölkə üzrə axtarışı filtrasiya etməyə imkan var.
Axtarış sistemi həmçinin rəsm və videofayl üzrə axtarış seçimi imkanları ilə istiqamətləndiriciyə malikdir. Xidmət rəsmləri standart qrafik formatlarda avtomatik olaraq toplayır.
Yeni sistem həmçinin serverdə rəsm, arxiv və multimedia faylları yükləmək imkanlarına malikdir.
Müəllifin sözlərinə görə, bu servis müxtəlif saytlara daxil olmadan böyük həcmdə məlumat əldə etmək istəyənlər üçün faydalı olacaq.
