Azərbaycan, Bakı, 22 aprel /Trend, müxbir H.Vəliyev/
Regional Rabitə Birliyi (RRB) Rabitə Administrasiyaları Rəhbərləri Şurası Ümumdünya İTU (International Telecommunication Union) forumuna hazırlıq zamanı rabitə administrasiyalarının qarşılıqlı fəaliyyəti məsələsini müzakirə edəcək. Bu barədə RRB-nin məlumatında bildirilir.
Məsələ RRB Rabitə Administrasiyaları Rəhbərləri Şurasının 42-ci iclasında və İnformasiyalaşdırma üzrə Koordinasiya Şurasının 15-ci iclasında müzakirə olunacaq. İclas mayın 8-də Moskvada keçiriləcək.
İştirakçılar, həmçinin, informasiya texnologiyalarının inkişafı, dövlət qulluqları sistemi, RRB-nin daxili fəaliyyətini müzakirə edəcəklər.
Rabitə Administrasiyaları Rəhbərləri Şurasının və informasiyalaşdırma üzrə Koordinasiya Şurasının iclasında RRB-nin tamhüquqlu iştirakçılarından və müşahidəçilərindən ibarət nümayəndə heyətinin, həmçinin, beynəlxalq təşkilatların nümayəndələrinin iştirakı planlaşdırılır.
İclasda Azərbaycan nümayəndə heyətini rabitə və informasiya texnologiyaları naziri Əli Abbasov təmsil edəcək.
