Аzərbaycan, Bakı, 28 avqust /Trend, müxbir H.Vəliyev/
Azərbaycanda orta ümumtəhsil məktəblərinin 11-ci sinifləri üçün yeni informatika dərsliyi nəşr edilib. Bu barədə Milli Elmlər Akademiyasının İnformasiya Texnologiyaları İnstitutundan bildiriblər.
15 mart 2010-cu ildə Azərbaycan Təhsil Nazirliyinin 294 №-li sərəncamı ilə təsdiq olunmuş yeni "İnformatika 11" dərsliyi "Bakınəşr" nəşriyyatında dərc olunub.
Dərs vəsaiti müasir dövrün reallıqlarına tam şəkildə cavab verir və informasiya texnologiyaları sahəsində aktual metodlardan ibarətdir.
Altı fəsildən ibarət dərslikdə informasiya mədəniyyəti, elmi və texniki yeniliklər, kompüter şəbəkələri, kommunikasiya vasitələri, modelləşdirmə, kompüter qrafiki, layihələrin əsasları və onların mərhələləri, internet şəbəkəsində axtarış və s. əks olunub.
