Azərbaycan, Bakı, 27 sentyabr /Trend, müxbir H.Vəliyev/
Azərbaycan və Gürcüstan sərhədyanı ərazilərdə GSM və CDMA rabitə radiotezlik spektrinin istifadəsini tənzimləyən məsələlər barədə razılığa gəliblər. Bu barədə bazar ertəsi Trend-ə Azərbaycan Dövlət Radiotezliklər İdarəsinin (DRİ) baş mühəndisi İlham Əfəndiyev deyib.
Onun sözlərinə görə, məsələyə Azərbaycanın DRİ və mobil rabitə operatorları nümayəndələrinin Gürcüstana səfəri çərçivəsində baxılacaq.
"Səfərimizin məqsədi sərhədyanı ərazilərdə ölkəmiz tərəfindən istifadə olunan tezlik və kanalların koordinasiya və monitorinqləridir. Bu gün Gürcüstan və Azərbaycan arasında protokol imzalanıb, bu protokol çərçivəsində koordinasiya məsələləri də həyata keçiriləcək. Protokola CDMA standart rabitə xidməti üçün cəlb olunmuş tezlik spektrlırinin bərabərhüquqlu istifadəsi də daxildir", - Əfəndiyev deyib.
Tərəflər GSM rabitə və 800 MHz tezliyi üçün 1800 və 900 MHz tezlik spektrinin bərabərhüquqlu istifadə meyarları və prinsiplərinin uzlaşdırılması məsələlərinə diqqət yetirirlər.
Əldə olunmuş saziş radiotezlik spektrinin istifadəsini nizamlamağa şərait yaradacaq və sərhədyanı ərazilərdə radioelektron vasitələrin yaradılmasına mümkün əngəlləri əhəmiyyətli dərəcədə azaldacaq.