Azərbaycan, Bakı, 30 dekabr/Trend, müxbir H.Vəliyev/
Kompüter texnikası istehsalı zavodu KÜR foto-köşklərin istehsalını dayandırıb. Bu barədə Trend-ə cümə axşamı KÜR-dən deyiblər. Bu qurğuların istehsalının dayandırılmasının səbəbi onlara tələbatın az olmasıdır.
Hazırda paytaxtda bir studiya və dörd stasionar foto-köşk quraşdırılıb. Aparata kompüterlə yanaşı, sensor ekranlar və 10x15, 13x18 və 15x23 formatlı fotoşəkillərin çap edilməsi üçün printerlər yerləşdirilib. Fotoköşkdə bir fotoşəklin qiyməti 0,25-0,30 manat təşkil edir. Köşklər qəpiklərin qəbulu üçün qurğularla və çek termosublimatik printerlərlə təchiz edilib. Foto-köşkün proqram təminatı çəkilişləri redaktə etməyə və onları rəqəmsal daşıyıcılara yazmağa (CD, DVD-disklərə, yaddaş kartlarına və USB-lərə) imkan verir.
KÜR-dən dediklərinə görə, daha perspektivli istiqamət rəqəmsal televiziya üçün DVB-T-dekoderlərin istehsalıdır. Bununla əlaqədar gələn il onların seriyalı istehsalı gözlənilir.
KÜR-ün MPEG-2 və MPEG-4 standartlarını dəstəkləyən "Prestije" brendi ilə dekoderlərin sınaq modelləri BakuTel-2010 Telekommunikasiya sərgisi çərçivəsində nümayiş olunub. Qurğunun qiyməti 75 manatdır.
Müəssisənin perspektiv planlarına portativ kompüterlər istehsalı üzrə xəttin də işə salınması daxildir.
