Azərbaycan, Bakı, 15 yanvar /Trend, müxbir H.Vəliyev/
İlin sonunadək Azərbaycanın bütün bankları ölkənin Vergilər Nazirliyinin elektron sənəd dövriyyəsi sisteminə qoşulacaq. Bu barədə şənbə günü Trend-ə Azərbaycan Vergilər Nazirliyinin Kommersiya İdarəsinin baş dövlət vergi müfəttişi Şöyüb Məmmədov deyib.
Məmmədovun sözlərinə görə, bu gün nazirliyin elektron sənəd dövriyyəsi sisteminə 25 bank inteqrasiya edilib, ilin sonunadək isə respublikanın bütün bank strukturlarını əhatə etmək planlaşdırılır.
"Bizim üçün daha vacib bu sistemə Azərbaycanın iki iri bankının inteqrasiyasıdır. Bunlar "Bank Standard" və Azərbaycan Beynəlxalq Bankıdır. Bu banklar bütün respublika üzrə ən geniş filial şəbəkəsinə malikdir. Bu günə Beynəlxalq Bankın artıq yaxın vaxtlarda sistemə qoşulacaq inteqrasiyası üzrə bütün zəruri işlər başa çatdırılıb. Bundan sonra "Bank Standard"ın inteqrasiyası üzrə işlərə başlanılacaq", - Məmmədov qeyd edib.
Məmmədovun sözlərinə görə, qarşılıqlı elektron fəaliyyət sistemi yeni başlayan iş adamına Vegilər Nazirliyinə getmədən bankda hesab açmağa imkan verir.
Xidmət nazirliyin İinternet portalı vasitəsilə təqdim olunur. Bankda hesab vergiödəyici tərəfindən avtomatik olaraq bank strukturuna göndərilən şəhadətmənin surəti doldurulduqdan sonra açılır. Əməliyyat başa çatdıqdan sonra vergiödəyici müvafiq bildiriş alır.
Onun sözlərinə görə, "Elektron Azərbaycan" Dövlət Proqramında nəzərdə tutulan elektron xidmətlər sahəsində layihələrdən biri vahid Call-mərkəzin yaradılmasıdır. Layihə vahid telefon sorğu sisteminə Azərbaycanın bütün maliyyə strukturlarının inteqrasiyasını nəzərdə tutur.
"Bu yaxınlarda sorğu sisteminə Azərbaycan İqtisadi İnkişaf Naziriliyi qoşulub. Ümumilikdə sistemə orta hesabla səkkiz dövlət maliyyə strukturu daxil ediləcək. Bu, yeni başlayan iş adamlarına vahid nömrə üzrə onları maraqlandıran informasiyanı əldə etməyə imkan verəcək", - Məmmədov qeyd edib.