Yanvarda Azərbaycanın internet bazarının gəlirlərinin həcmi 1,6 dəfə artıb
Azərbaycan, Bakı, 19 fevral /Trend, müxbir H.Vəliyev/
Yanvar ayında Azərbaycanda internet bazarının gəlirlərinin həcmi 1,6 dəfə artaraq 4 milyon 89 min manat təşkil edib. Bu barədə cümə günü Trend-ə Azərbaycanın Rabitə və İnformasiya Texnologiyaları Nazirliyinin maliyyə uçotu və iqtisadi təhlil şöbəsinin aparıcı müşaviri Cahandar Qədirov bildirib.
Onun sözlərinə görə, artım İT məhsulları istehsalı sahəsində də qeydə alınıb. Dövlət Statistika Komitəsinin məlumatına görə, bu ilin birinci ayında onun həcmi 2,5 dəfə artıb. Ötən ilin analoji dövrünün göstəricisi ilə müqayisədə bu göstərici 7,9 milyon manat artaraq 13,2 milyon manata çatıb.
"Bu ilin birinci ayında İT məhsulları istehsalı sahəsində nisbətən daha çox artım kompüterlərin, periferiya qurğularının, səs və təsvirlərin qəbulu və yazılışı aparatlarının, eləcə də optik daşıyıcıların istehsalında qeydə alınıb", - Qədirov deyib.
Azalma proqram təminatı, kompüterlərin və periferiya avadanlıqlarının topdansatışında olub.
