Azərbaycan, Bakı, 1 mart /Trend, müxbir H.Vəliyev/
Bakıda "Sığorta şirkətləri üçün kompleks İT-həllər" mövzusu üzrə seminar keçirilib. Bu barədə "Cet infosistemləri" şirkətinin məlumatında deyilir.
Martın 2-də işini başa vuracaq seminarın təşkilatçıları Rusiyanın "Cet infosistemləri" sistem inteqratoru və Ukraynanın "Finans servis" şirkətidir.
Seminarın gedişində sığorta şirkətlərinin rəhbərlərinə və aparıcı mütəxəssislərinə proqram sistemlərinin tərkibi və funksionallığının təqdimatı keçirilib.
Mütəxəssislər sığorta şirkətlərinin biznesinin inkişafı üçün kompleks İT-həllərin tətbiqinin səmərəsi və üstünlüklərindən danışıblar, eləcə də seminar iştirakçılarını kompleks İT-həllərin tətbiqi üzrə layihələrin həyata keçirilməsi texnologiyaları və istifadəçilərin öyrədilməsi metodologiyaları ilə tanış ediblər.
Seminarın proqramına biznes-proseslərin avtomatlaşdırması üçün proqram sistemlərinin qarşılıqlı təsiri ilə tanış olan sığorta şirkətləri bölmələrinin mütəxəssisləri üçün mühazirələrin keçirilməsi daxildir.
"Kompleks İT- həllər"in tərkibinə "Qalaktika-sığorta" sığorta fəaliyyətinin uçot sistemi, "Qalaktika ERP" sığorta şirkətinin resurslarının idarə olunması kompleks sistemi, DІRECTUM biznes-proseslərin idarə olunması və sənəd dövriyyəsi sistemi, eləcə də MOODLE sistemləri bazasında istifadəçilərin məsafəli təhsili sistemi daxildir.
"Kompleks İT- həllər" sığorta şirkətinin satış bölmələrinin, sığorta şirkətinin əməliyyat dəstəyinin bölmələrinin (təkrar sığorta, itkilərin nizamlanması və başqaları), sığorta şirkətinin bek-ofisinin bölmələrinin (sığorta şirkətinin resurslarının idarə edilməsi, mühasibat uçotu, haqq-hesabın formalaşması) biznes-proseslərinin kompleks avtomatlaşdırılmasını təmin edir.
Bu gün "Kompleks İT- həllər" Azərbaycan qanunvericiliyi və beynəlxalq mühasibat uçotu standartları ilə uyğunlaşdırılıb. Sığorta şirkətlərinin mütəxəssislərinə "AXA Sığorta" şirkətinin simasında beş min istifadəçisi 2009-cu ilin martından "Qalaktika-sığorta" sistemində çalışan Ukrayna sığorta bazarının təcrübəsi nümayiş olunacaq.