Azərbaycan, Bakı, 11 aprel /Trend, müxbir H.Vəliyev/
Azərbaycanın poçt operatoru "Azərpoçt" MMC-nin "Azerexpresspost" poçt xidməti Azərbaycanın maliyyə qurumları üçün EMS (Express Mail Service) göndərişlərinin ekpress-çatdırılması üzrə yeni xidməti işə salıb. Bu barədə çərşənbə günü Trend-ə "Azerexpresspost"dan bildiriblər.
Yeni xidmət bank kartlarının kreditorlara çatdırılmasını nəzərdə tutur.
Operator bu prosesi avtomatlaşdırmağa imkan verən proqram təminatını hazırlayıb.
Xidmət poçt göndərişləri hərəkətinin izlənməsi sistemi ilə inteqrasiya edilib ki, bu da real vaxt rejimində internet vasitəsilə poçt göndərişlərinin son təyinat nöqtəsinə çatmasını izləməyə imkan verir.
Hazırda "Azerexpresspost" bu layihə üzrə Azərbaycanın bir sıra bankları ilə danışıqlar aparır.
