Azərbaycan, Bakı, 8 oktyabr /Trend, müxbir H.Vəliyev/
"Azərpoçt" MMC poçt operatorunun yeni imicinin formalaşdırılması üzrə maraqlar sorğusunun qalibini müəyyənləşdirib.
Trend-ə MMC-dən bildiriblər ki, operatorun rebrendinqi üzrə işləri Niderlandın "Guidion" şirkəti görəcək. Hazırda bu şirkətlə müaqvilənin bağlanması ilə bağlı danışıqlar aparılır:
"Müqavilənin oktyabrın sonunda imzalanacağı gözlənilir. Rebrendinq üzrə işlər sənədin imzalanmasından sonra 10 gün ərzində başlayacaq".
"Guidion"un işi poçt operatoru üçün marketinq strategiyasını hazırlamaq, o cümlədən onun yeni maliyyə məhsullarında tələbatlarını qiymətləndirməkdir.
Məqsədlərə nail olunmaq üçün 130 min dollar vəsait xərclənəcək. Məbləğ qrant şəklində İsveçrənin İqtisadi məsələlər üzrə Dövlət Katibliyi (State Secretariat for Economic Affairs - SECO) tərəfindən ayrılıb.