Azərbaycan, Bakı, 23 dekabr /Trend, müxbir H.Vəliyev/
Azərbaycan Rabitə və İnformasiya Texnologiyaları Nazirliyi yanında İnformasiya Texnologiyalarının İnkişafı Dövlət Fondunun Müşahidə Şurası startap-layihələrin (Start-up - sürətli reallaşmağa hesablanmış biznes ideyası) dəstəklənməsi üçün maliyyə vəsaitləri bölgüsünün mexanizmlərini təsdiq edib. Bu barədə bazar ertəsi Trend-ə fondun Müşahidə Şurasının üzvü Osman Gündüz bildirib.
Onun sözlərinə görə, bu məsələ dekabrın 30-da fondun Müşahidə Şurasında müzakirə edilib. İclas zamanı Şura üzvləri startap layihələrin bank təşkilatları tərəfindən kreditləşdirilməsi üzrə sənədləri və qrant layihələrin qiymətləndirilməsi meyarlarını təsdiqləyiblər: "Meyarlarda startap-layihələrin qiymətləndirilməsinin əsas prinsipləri göstərilib. Onların arasında elə layihələri qeyd etmək olar ki, məsələn, onlar nə qədər məqsədli istiqamətə malikdirlərsə, bir o qədər İKT sektorunun inkişafına, onların perspektivliliyinə, kommersiyalaşmanın sonrakı potensialına, gəlirliliyə və başqalarına imkan yaradırlar. Qəbul edilmiş sənəd xüsusi əhəmiyyətə malikdir. İKT sahəsində effektiv və perspektivli layihələrin seçilməsi üzrə birinci qrant müsabiqə 2014-cü ilin əvvəlində elan ediləcək".
