Azərbaycan, Bakı, 12 may /Trend, müxbir H.Vəliyev/
2014-cü ilin I rübünün nəticələrinə görə, Azərbaycana ümumi dəyəri 724,2 min dollar olan 8690 ədəd mobil telefon və simsiz şəbəkədə çalışan digər qurğular idxal olunub. Bu barədə Trend-ə Dövlət Statistika Komitəsindən məlumat verilib.
Məlumata əsasən, 2013-cü ilin eyni dövründə qeydə alınan göstəricilərlə müqayisədə idxal olunan mobil telefonların sayı 68,17 faiz (ötənilki göstərici 27 295 ədəd olub), pulla ifadədə isə bu göstərici 42,99 faiz azalıb.
2014-cü ilin 3 ayında ölkəyə idxal edilən mobil qurğuların sayı təqribən 3,5 dəfə artıb, pulla ifadədə isə artım 3,2 dəfədən çox olub.
İlin əvvəlindən ölkəyə hər ay orta hesabla təxminən 2,8 min ədədə yaxın mobil telefon idxal edilib. Mobil telefon bazarının aylıq həcmi pulla ifadədə 241 min dollardan çox təşkil edir.
