Azərbaycan, Bakı, 16 may /Trend, müxbir H.Vəliyev/
Azərbaycan Rabitə və Yüksək Texnologiyalar Nazirliyinin İnformasiya Texnologiyalarının İnkişafı Dövlət Fondu ilə Koreyanın Kiçik və Orta Biznes Korporasiyası (SBC) arasında əməkdaşlıq haqqında ilkin razılıq əldə olunub. Bunu cümə günü Trend-ə Fondun içraçı direktoru Elçin Zeynalov deyib.
Onun sözlərinə görə, SBC ilə əməkdaşlıq haqqında məsələ dünən Bakıda Dövlət Fondunun rəhbərliyinin Cənubi Koreyanın Azərbaycandakı səfiri Çoy Suk-İnlə görüşündə müzakirə olunub.
E.Zeynalov qeyd edib ki, İKT sahəsi iki ölkənin əməkdaşlığının istiqamətlərindən biridir: "Azərbaycan İT-sahibkarlığa dəstək üzrə Cənubi Koreyanın təcrübəsini öyrənmək niyyətindədir, perspektivdə isə Azərbaycan və Koreya şirkətlərinin İT layihələrinin birgə reallaşdırılması imkanı istisna edilmir".