Azərbaycan, Bakı, 21 may /Trend, müxbir H.Vəliyev/
Azərbaycanın internet seqmentində bank mövzusunda "Twitter" mikrobloq servisinin tvitlərinin sayı 17,5 min ədədi ötüb. Bu barədə Trend çərşənbə günü aztwi.com saytına istinadən məlumat verir.
Saytın statistikasına əsasən, 2013-2014-cü illərdə Azərbaycanın bank və maliyyə sektorlarında fəal "Twitter" istifadəçilərinin sayı 5544 olub.
Tvitlərin ümumi sayının 42,64 faizi bank, 24,74 faizi maliyyə, 16,35 faizi borclar, 10,88 faizi kreditlər, 5,49 faizi isə əmanətlər mövzusunda yazılıb.
Saytın xəbərinə görə, mikrobloq servisində fəallıq yalnız yerli bank tərəfindən qeydə alınıb ki, bud a Azərbaycanda "Twitter" istifadəçilərinin sayının az olması (təqribən 20 min) ilə əlaqədardır. Müqayisə üçün Azərbaycanda "Facebook" sosial şəbəkəsinin auditoriyası 1,3 milyondan çoxdur.
Araşdırmalara əsasən, mikrobloq servisinin istifadəçilərinin sayı az olsa da, səmərəlilik baxımından üstünlüyü var.
