Azərbaycan, Bakı, 7 iyul /Trend, müxbir Hüseyn Vəliyev/
Azərbaycan İnformasiya Texnologiyalarının İnkişafı Dövlət Fondu startap-layihələri maliyyələşdirəcək müvəkkil bankların sayını artırmağı planlaşdırır. Bu barədə bazar ertəsi Trend-ə Azərbaycanın telekommunikasiya bazarındakı mənbə bildirib.
Agentliyin müsahibinin sözlərinə görə, danışıqlar daha iki bankla aparılır. Onlarla əməkdaşlıq 2015-ci ildə gözlənilir.
Hazırda Paşa Bank, Bank Respublika, Dəmir Bank, Rabitə Bank və Bank BTB fondun startap-layihələrin maliyyələşdirilməsi üzrə müvəkkil agentləridir.
Mənbə qeyd edib ki, öz startap-layihələrinin inkişafı üçün kreditlər almağa iddialı olan bir sıra İT sahibkarlar artıq müvəkkil banklara müraciət ediblər: "Təqdim edilən layihələr ekspertizadan keçir və gəlirlilik baxımından qiymətləndirilir".
Layihələrin kredit maliyyələşdirilməsi fondun dövlət büdcəsindən ayrılan vəsaitləri hesabına həyata keçiriləcək. 2014-cü il üçün startap-layihələrin dəstəklənməsinə dövlətin ayırdığı vəsaitlərin həcmi beş milyon manat təşkil edir.
