Azərbaycan, Bakı, 27 noyabr /Trend, müxbir Hüseyn Vəliyev/
"Komtec" şirkətinin MilliÖn ödəniş sisteminin xüsusi proqram platforması "Azərpoçt" MMC-nin platformasına inteqrasiya olunub.
Şirkətdən Trend-ə verilən məlumata görə, söhbət kommunal xidmətlərin ödənişi üçün proqram təminatından gedir.
Layihə poçt operatorunun şəbəkəsində smart-kart tipli su və qaz sayğaclarının yüklənməsi xidmətinin tətbiqini nəzərdə tutur.
MilliÖN proqram təminatının inteqrasiyası üzrə işlər 200 poçt şöbəsində başa çatdırılıb. Hazırda MilliÖn ödəniş qəbulu nöqtələrinin sayı 5 minə çatır. Onlardan 3 mini ödəniş terminalı, 400-ü personal kompüterdən istifadə etməklə qəbul nöqtəsi, 400-ü POS-terminal, 800-ü isə bank filiallarındakı nöqtələrdir.
