Azərbaycan hökumətində ölkədə texnoloji parkların yaradılması məsələsi müzakirə olunacaq. Rabitə və İnformasiya Texnologiyaları Nazirliyindən Trend ə verilən məlumata görə, hazırda bu parkların yaradılması ilə bağlı dövlət qurumlarının rəylərinin toplanması prosesi başa çatır. 11 nazirlik və komitənin tövsiyə və rəyləri hökumətə təqdim olunacaq.
Nazirlikdə yaradılmış xüsusi qrupla texnoloji parkların yaradılması üzrə qanun layihəsinin hazırlanması üzərində iş aparılır", - deyə dövlət strukturundan qeyd olunub.
Qanun layihəsinin hazırlanması prosesində belə obyektlərin mövcud olduğu ölkələrin təcrübəsi öyrənilir. İşlər başa çatdıqdan sonra sənəd baxılmaq üçün müvafiq instansiyalara təqdim olunacaq və dövlət idarələri ilə son müzakirələrdən sonra ölkə parlamentinə göndəriləcək.
Nazirlikdən hesab olunur ki, qanun layihəsi 2006-cı ilin payızında Milli Məclisdə müzakirə olunacaq.
2055-2008-ci illərdə Azərbaycanda informasiya və kommunikasiya texnologiyalarının inkişafı üzrə Dövlət Proqramına əsasən, texnoloji parkların 2008-ci ilədək yaradılması nəzərdə tutulur.
