2006-cı ilin yanvar-iyun aylarında Azərbaycanda hər 100 nəfərə 13,55 telefon düşür. 2005-ci ilin birinci yarısında isə bu göstərici 12,8 telefon olub. Bu barədə Trend ə Rabitə və İnformasiya Texnologiyaları Nazirliyindən xəbər veriblər.
Bu dövrdə paytaxt üzrə bu göstərici 30,7, bölgələr üzrə isə 8,7 ədəd təşkil edib.
Hər 100 nəfərə düşən mobil telefonların sayı, 2005-ci ilin yanvar-iyun aylarındakı 20,3 telefonla müqayisədə 30,6 ədədə çatıb.
Rabitə Nazirliyinin hesablamalarına əsasən, bu göstərici 2008-ci ildə 2 dəfə arta bilər.