Strategic Policy Research Inc. mütəxəssislərinin Rabitə və İnformasiya Texnologiyaları Nazirliyi ilə ABŞ-ın Ticarət və İnkişaf üzrə Agentliyi (USTDA - United States Trade and Development Agency) arasında imzalanmış qrant sazişi çərçivəsində Bakıya növbəti səfəri gözlənilir. Nazirlikdən Trend ə verilən məlumata əsasən, səfər avqustun sonuna planlaşdırılıb.
Bu, şirkət nümayəndələrinin üçüncü səfəridir. Əvvəlki səfərlər zamanı sazişdə nəzərdə tutulmuş işlərin görülməsi üçün onlar nazirliyin və müəssisələrin strukturu və müəssisələrilə tanış olub, nazirliyin strukturundakı idarəçiliyin ayrı-ayrı istiqamətləri üzrə tövsiyələr hazırlayıb.
Sazişdə informasiya və kommunikasiya texnologiyalırın verilməsi, idarəetmənin restrukturlaşdırılması və təşkili, informasiya və və kommunikasiya texnologiyaları sektorunda nazirlik nümayəndələrinin biliklərinin artırılması, eləcə də milli siyasətin formalaşdırılması prosedurlarının yaxşılaşdırılması üçün yeni institusional əlaqələrin qurulması müddətinin təyin olunması ilə bağlı məsləhətçi xidmətlərin göstərilməsi nəzərdə tutulub.
Sənəd 2005-ci ilin yanvarında rabitə və informasiya texnologiyaları naziri Əli Abbasov və ABŞ səfirliyinin Bakıdakı işlər müvəkkili Ceyson Haylend tərəfindən imzalanıb. Qrantın həcmi təxminən $735 min təşkil edir.
