...

Cənubi Koreya şirkəti Azərbaycanın İT sektoruna 150 mln. ABŞ dolları sərmayə qoymaq niyyətindədir

Telekommunikasiya Materials 21 Avqust 2006 16:45 (UTC +04:00)

Trend-i buradan izləyin

Cənubi Koreyanın KT şirkəti Azərbaycanın İT bazarının işinə maraq göstərdiyini bildirib. Trend Azərbaycanın Rabitə və İnformasiya Texnologiyaları Nazirliyinə istinadən xəbər verir ki, şirkət yerli informasiya-kommunikasiya bazarına 3 il ərzində 150 mln. ABŞ dolları məbləğində sərmayə qoymaq fikrindədir.

Koreyanın digər SK şirkəti də həmçinin elektron höküməti üzrə layihələrin gerçəkləşdirilməsi üçün soft-credit şərti ilə Azərbaycana 30 mln. ABŞ dolları məbləğində vəsait ayırmaq niyyətindədir.

Bu işlər Cənubi Koreyanın Sərmayələrin Təşviqi Agentliyi (KİPA) və Azərbaycanın Rabitə Nazirliyi arasında qarşılıqlı anlaşma haqqında memorandumla təsbit olunacaq. Bu memorandumun Koreyanın nümayəndə heyətinin oktyabrın 3-6-da keçiriləcək beynəlxalq sərgidə və BakuTel - 2006 informasiya texnologiyaları üzrə konfransda iştirak etmək üçün Bakıya səfəri zamanı imzalanması planlaşdırılır.

"Memorandum imzalandıqdan sonra Azərbaycanda elektron hökümətə dair layihələrin gerçəkləşdirilməsi üzrə geniş işlər başlanacaq", - deyə dövlət qurumunda qeyd ediblər.

Xəbər lenti

Xəbər lenti