Yaxın vaxtda Azərbaycanda rabitə müəssisələrinin özəlləşdirilməsi prosesi başlayacaq. Trend xəbər verir ki, bu barədə bu gün jurnalistlərə Azərbaycanın rabitə və informasiya texnologiyaları naziri Əli Abbasov məlumat verib.
Onun sözlərinə görə, əvvəlcə bir sıra müəssisələr - Aztelekom İB, Bakı Telefon Rabitəsi (BTRİB) və b. restrukturlaşdırılacaq.
"Onların özəlləşdirilməyə hazırlıq prosesi ilin sonunadək başa çatacaq", - deyə nazir qeyd edib.
İlin sonunadək Rabitə Nazirliyi rabitə müəssisələrində dövlət payının qiymətləndirilməsi və özəlləşdirmə strategiyasının müəyyənləşdirilməsinə dair hökümətə təkliflər paketi təqdim edəcək. Bu, 2006-2008-ci illərdə Azərbaycanda informasiya-kommunikasiya texnologiyalarının inkişafı üzrə dövlət proqramının ("Elektron Azərbaycan") həyata keçirilməsi üzrə tədbirlər planının bölmələrinə uyğun şəkildə həyata keçiriləcək.
Əvvəllər idarəetmə və yaxşılaşdırma strukturunun təkmilləşdirilməsi məqsədi ilə özəlləşdirmə prosesindən əvvəl lazımi təkliflər hazırlanıb və müvafiq dövlət orqanlarına təqdim edilib.
Özəlləşdirilməli olan rabitə strukturlarının maliyyə-təsərrüfat fəaliyyətinin qiymətləndirilməsi, onun strategiyasının müəyyənləşdirilməsi və özəlləşdirmə prosesinin 2007-2008-ci illərdə başlanması planlaşdırılır.
