Avropa Yenidənqurma və İnkişaf Bankı (AYİB) bankın Azərbaycanın informasiya-kommunikasiya texnologiyaları sektorunda iştirak spektrini genişləndirmək niyyəti haqda bildirib. Azərbaycan-Amerika biznes-forumunda AYİB-in Bakı nümayəndəliyinin başçısı Reymond Konvey Trend ə bildirib ki, özəl sektorun inkişaf üçün imkanları var, ona görə də kommunikasiya sektorunda özəlləşdirmə prosesi fəallaşmalı və müvafiq qanunverici baza yaradılmalıdır.
Onun sözlərinə görə, iqtisadi artımın strategiyasının reallaşması üzrə çoxlu müsbət məqamlar var və hökümət İKT-nin inkişafı üçün bir çox imkanlara malikdir. Müsbət zəminlərdən başqa, bu sahədə digər çətinliklər qalır, nəticədə ötən ilin yekununa görə ÜDM-də İKT-nin xüsusi çəkisi 2,5% təşkil edib.
Hazırda AYİB Rabitə və İnformasiya Texnologiyaları Nazirliyi ilə birgə İKT sahəsində inkubatorun yaradılmasına köməklik göstərir. "Əgər şirkətlər müraciət etsələr, o zaman biz işlərin qaydaya salınması üçün onlara maliyyə dəstəyi göstərməyə hazırıq. Biznesin inkişafında bəzi problemlər var, belə ki, hökümət hər bir layihədə iştirak edir. Biz artıq özəlləşdirilmiş şirkətlərlə əməkdaşlıq etməyə, həm də bu sahədə hökümətlə birgə tərəfdaş olmağa hazırıq", - deyə R.Konvey bildirib.