Bakıya səfəri çərçivəsində Beynəlxalq Elmi Parklar Assosiasiyasının baş direktoru (International Association of Science Parks IASP) Luis Sanz və Azərbaycanın rabitə və informasiya texnologiyaları naziri Əli Abbasov əməkdaşlığın gələcək perspektivlərini müzakirə ediblər.
Trend in "IASP"ın məlumatına istinadən xəbər verdiyi kimi, Luis Sanz nazir tərəfindən xüsusi olaraq "BakuTel 2006" çərçivəsində keçirilən konfransa dəvət olunub.
Ə.Abbasovla görüş zamanı L.Sanz nazirliyin strategiyası ilə tanış olub və Bakıda texnoparkların yaradılması layihəsi üçün yararlı ola biləcək bəzi əsas məqamları izah edib.
