Bakcell Ltd MMC 900 və 1800 MHs tezliklərdə işləyən Kipr mobil rabitə operatoru Cyprus Areeba LTD ilə saziş imzalayıb. Bu barədə Trend şirkətə istinadən xəbər verir.
Bakcell şirkətinin yeni tərəfdaşı Cyprus Areeba LTD şirkətin adada rouminq xidməti göstərdiyi ikinci mobil operator oldu. Birinci operator Cytamobile-Vodafon olub. Bu ölkələrin operatorları ilə bağlanmış rouminq sazişlərinin ümumi sayı 223 -dür.
Bakcell şirkəti 1994-cü ildə Azərbaycan Rabitə Nazirliyi ilə əməkdaşlıqda Birgə müəssisə kimi yaradılıb və mobil rabitə sahəsində ilk şirkət olub. 1994-cü ildə Bakcell analoq rabitə xidmətləri (ETACS) göstərən şirkət qismində fəaliyyətə başlayıb. Lakin 1998-ci ilin dekabr ayından şirkət sərt beynəlxalq standartlar səviyyəsində fərdi rabitəni təmin edən müasir GSM telekommunikasiya texnologiyasını tətbiq etməyə başlayıb. 2003-cü ilin dekabr ayında özəlləşdirmə prosesi başa çatıb. Nəticədə 2004-cü ilin yanvar ayından başlayaraq, Bakcell tam özəlləşdirilmiş şirkət kimi fəaliyyət göstərir. Hazırda şirkət bütün ölkə üzrə 700 mindən artıq abunəçiyə xidmət göstərir.
