Mingəçevirdə yerləşən "Kür" kompüter zavodu Azərbaycan regionlarında fəaliyyətini artırıb. Müəssisə rəhbəri Rizvan Osmanova istinadən Trend xəbər verir ki, müəssisə satış üzrə regional xidmət mərkəzlərini Göyçay, Qax, Oğuz, İsmayıllı, Qusar, Siyəzən, Qazax, Gəncə, Ağcabədi və Salyanda açıb.
Onun sözlərinə görə, qısa müddət ərzində analoji mərkəzlər Lənkəran, Masallı, Balakən və Şəkidə də fəaliyyət göstərəcək.
Kompüter avadanlıqları ilə yanaşı, müəssisə stasionar telefon aparatları da istehsal etməyə başlayıb. İstehsal edilən aparatların sayı artıq 20 mini keçib. Telefon aparatının qiyməti 7 manat təşkil edir.
Respublikada telefon apartlarına tələbat təxminən 70 mindir.
Bu gün zavod əməkdaşlarının sayı 75 nəfərdir, istehsalat genişləndirildikdən sonra işçilərin sayını 100 nəfərə çatdırmaq planlaşdırılıb.
