Azərbaycan,Bakı/müxbir Trend S.Babayeva/2008-ci ilin sonuna qədər Azərbaycanın bütün telefon rabitəsi elektronlaşdırılacaq. Bu barədə bu gün Azərbaycanın rabitə və informasiya texnologiyaları naziri Əli Abbasov məlumat verib.
Onun sözlərinə görə, 2007-ci ilin sonuna qədər respublikada elektronlaşdırma 70-72 faiz təşkil edəcək. Bakı üzrə analoji işlər artıq tamamlanmaq üzrədir və 471/472/473 indeksli telefon stansiyalarının tamamilə yenidən qurulması və layihələndirilməsi, 474/475/476 və 423 indeksli telefon stansiyalarının Next Generation Network (NGN) texnologiyasına keçməsi ilə bağlı sonuncu tender elan olunub. Bu stansiyaların ümumi həcmi 90 min nömrə təşkil edir. Bu gün Bakı şəhər rabitəsinin təxminən 80%-i yenidən qurulub. Rabitənin yenidən qurulması işləri "Elektron Azərbaycan" dövlət proqramı çərçivəsində həyata keçirilir.