Azərbaycan, Bakı /müxbir Trend S.Babayeva/Bakıya "Elektron hökumət" layihəsinin reallaşdırılması ilə əlaqədar Dünya Bankının (DB) missiyasının səfəri gözlənilir. Bu barədə cümə günü DB-nin Bakı nümayəndəliyinin başçısı Qreqori Yedjeyçak məlumat verib.
Onun sözlərinə görə, iyunda bank mütəxəssislərinin səfəri zamanı layihənin komponentləri müzakirə olunacaq.
Yedjeyçak məlumat verib ki, bu gün üçün bankın ayırdığı razılaşdırılmış kreditin məbləği 30 mln. dollar təşkil edir. Yekun həcm müzakirə və danışıqlardan sonra müyyən olunacaq.
Azərbaycan üçün "E-hökumət" layihəsinin reallaşdırılması üzrə kredit ayrılması barədə qərar Azərbaycanın rabitə və informasiya texnologiyaları naziri Əli Abbasovun 2006-cı ilin yayında ABŞ-a səfəri zamanı əldə olunub.