Azərbaycan, Bakı /müx. Trend S.Babayeva/ Azərbaycan Rabitə və İnformasiya Nazirliyinin "Azərpoçt" müəssisəsi martın 5-də Sumqayıtda ehtiyat server otağının quraşdırılmasına dair keçirilən tenderin qalibini elan edib.
Müəssisədən verilən məlumata görə, tender komissiyası yerli "Triada" şirkətinin təkliflərini ən məqbul sayıb. "Azərpoçt"dan bildiriblər ki, qaliblə müqavilə mayın 25-də imzalanıb. Ehtiyat server otağının quraşdırılması işləri üç ay ərzində tamamlanmalıdır.
Tender "Azərpoçt"un Dünya Bankı ilə birgə olan "Maliyyə xidmətlərinin inkişafı" layihəsi çərçivəsində elan edilib. 17,5 mln. dollarlıq layihə Azərbaycanın poçt şəbəkəsinin maliyyə xidmətlərinin göstərilməsi məqsədilə modernləşdirilməsini nəzərdə tutur.
