Azərbaycan, Bakı/ Trend müxbir S.Babayeva/ Birinci yarımildə Azərbaycanın Rabitə və İnformasiya Texnologiyaları Nazirliyi dövlət büdcəsinə 10,9 mln. manat köçürüb. Bu barədə bazar ertəsi Nazirlikdən məlumat verilib.
Əhalinin Sosial Müdafiəsi Dövlət Fonduna 4,6 mln. manat köçürülüb. Nazirliyin müəssisələri üzrə gəlirləri 74,5 mln. manat proqnoza qarşı 87,9 mln. manat təşkil edib.
Əhalidən göstərilmiş xidmətlərə görə əldə olunan gəlirlər 2006-cı ilin eyni dövrü ilə müqayisədə 13,5 faiz artımla 32,1 mln. manata çatıb.
Bu dövr ərzində Nazirlik ölkədə İT sahəsinin inkişafına 2006-cı ilin müvafiq dövrü ilə müqayisədə 6 faiz çox olmaqla 14 mln. manat sərf edib. Azərbaycanın rabitə sahəsinə yönəldilmiş investisyaların ümumi həcmi 56,9 mln. manat təşkil edib. Nazirlik üzrə orta aylıq əmək haqqı 214 manat təşkil edib.
Bu dövr ərzində Nazirlik tərəfindən 238 yeni iş yeri açılıb.
Rabitə sahəsinin Azərbaycanın ÜDM-ində payı 1,6 faiz təşkil edib.