Azərbaycan, Bakı / Trend , müxbir U.İsmaylova/ Azərbaycanın iri mobil rabitə operatoru "Azercell Telecom" 3 mln-a qədər abonentin GSM şəbəkə tutumunun genişləndirilməsi üçün tender elan edib. Bu barədə rəsmi mətbuatda məlumat verilir.
Tenderdə iştirak dəyəri 8 min manat təşkil edir. Tender üzrə işin keçirilmə müddəti 12 aydır.
İddiaçılar sənədləri (son illərdə maliyyə vəziyyəti və potensial imkanar barədə məlumat, vergi borclarının olmaması barədə arayış, tender təklifinin 2 faizi dəyərində bank təminatı, mənbə və müvafiq sertifikat) oktyabrın 16-na qədər təqdim etməlidirlər.
Tender 17 oktyabrda Bakı vaxtı ilə 11.00-da keçiriləcək.