Azərbaycan, Bakı, 27 yanvar /Trend, müxbir A.Axundov/
Mərkəzi Bank yanında Azərbaycan İpoteka Fondu (AİF) sığortanın üç növü üzrə sığortaçının seçimi üçün tender elan edib. Trend-in məlumatına görə, bu barədə cümə günü alqı-satqı üzrə komissiyanın rəsmi mətbuatda dərc edilən məlumatında deyilir.
Sığorta xidmətləri paketinə Fondun avtomobillərinin sığortası, Fondun inzibatı binasının və orada yerləşən əmlakın sığortası, AİF əməkdaşlarının tibbi sığortası daxildir.
İştirak qiyməti hər lot üzrə 100 manat təşkil edir. Tender təklifləri 28 fevral saat 18:00-dək qəbul edilir.
Yanvarın 27-nə olan rəsmi məzənnə 0,7863 AZN/USD təşkil edir.