Azərbaycan, Bakı, 21 iyul /Trend, müxbir A.Axundov/
Dövlət Şəhərsalma və Arxitektura Komitəsi komitənin sifarişi ilə hazırlanan şəhərsalma sənədlərinin, norma və qaydaların yoxlanılması və onlara müvafiq ekspert rəylərinin verilməsi üçün ekspertlərin cəlb edilməsi üzrə müsabiqə elan edib. Bu barədə Müsabiqə Komissiyasının şənbə günü yayadığı məlumatda deyilir.
Ekspertlər 2012-ci ildə dövlət büdcəsinin vəsaitləri hesabına cəlb olunacaqlar.
Cəlb olunan ekspertlər tələb olunan sahələr üzrə ən azı on illik təcrübəyə malik olmalıdırlar.
Müsabiqədə iştirak üçün zəruri olan sənədlər komitəyə 23 avqust saat 18:00-dək təqdim olunmalıdır.
