Azərbaycan, Bakı, 26 sentyabr /Trend, müxbir A.Axundov/
Azərbaycanın Məcburi Köçkünlərin Sosial İnkişafı Fondu Dünya Bankının Azərbaycanda məcburi köçkünlərin həyat şəraitinin və gəlirlərinin yaxşılaşdırılması üzrə layihəsi çərçivəsində məsləhət xidmətlərinin satın alınması üzrə tender elan edilib. Trend-in məlumatına görə, bu barəfə fondun çərşənbə günü rəsmi mətbuatda dərc olunan məlumatında deyilir.
Məsləhət xidmətləri məcburi köçkün icmalarının səfərbər edilməsi və biliklərinin artırılması, tələbatlarının qiymətləndirilməsi, müxtəlif sosial göstəricilər üzrə ilkin məlumatların toplanması işləri üçün cəlb edilir.
Tender təklifləri Fondun 2012-ci il oktyabrın 11-dək Bakı şəhəri, Tbilisi prospekti, 57D ünvanına təqdim olunmalıdır.
Telefon: (99412) 431-87-69
Faks: (99412) 431-82-11
Əlaqələndirici şəxs: Fond direktorunun müavini S.Əhmədov
Qeyd edək ki, bu, ölkədə məcburi köçkünlərin yaşayış şəraitinin yaxşılaşdırılması sahəsində sayca üçüncü layihədir.
