Azərbaycan, Bakı, 19 noyabr /Trend, müxbir A.Axundov/
"Azərbaycan Meliorasiya və Su Təsərrüfatı" ASC Dünya Bankının (DB) "Azərbaycanın Sudan İstifadəedənlər Birliklərinin inkişafına dəstək" (WUAP) layihəsi çərçivəsində ofis binalarının tikintisi çərçivəsində tender elan edib. Bu barədə bazar ertəsi rəsmi mətbuatda dərc olunmuş məlumatda deyilir.
Tender çərçivəsində Quba, Qusar və Xaçmaz rayonlarında sudan istibadəedənlər birlikləri üçün 34 və Zərdab və Ağcabədi rayonalrında 38 birotaqlı ofisin tikintisi nəzərdə tutulur.
Maraqlanan iddiaçılar sənədlərin tam komplektini yazılı ərizə təqdim etdikdən və geri ödənilməmək şərti ilə 200 manat ödəməklə Bakı şəhəri, Moskva prospekti, 64 A, 4-cü mərtəbə ünvanından ala bilərlər. Əlaqə: + 99412 430-32-48/430-32-80, faks: +99 412 431-65-16, e-mail: [email protected].
Tender təklifləri aşağıda göstərilən ünvana 19 dekabr saat 15-dan gec olmamaqla təqdim edilməlidir: Bakı şəhəri, Ü.Hacıbəyov küçəsi, 40, Hökumət evi, beşinci mərtəbə, 514-cü otaq.
Təkliflər elektron formada təqdim edilə bilməz.
