İranın Nazirlər Kabineti İran-Azərbaycan sərhəd və təhlükəsizlik əməkdaşlıqlarına dair müqaviləni təsdiqləyib. Bu barədə İranın MEHR xəbər agentliyi məlumat verir.
Ötən gün İran Nazirlər Kabineti bu ölkənin Prezidenti Mahmud Əhmədinejadın başçılığı ilə iclas keçirib. İclasda İran və Azərbaycan sərhəd-təhlükəsizlik əməkdaşlıqlarına dair müqavilə təsdiqlənib. Bundan başqa, iclasda islami ölkələrin texniki, ticari və iqtisadi əməkdaşlıqlarına dair daimi komitəsinin konfransının keçirilməsi, İranın Mozambikdə Səfirliyinin açılması kimi məsələlər də təsdiqlənib.