İranın dəniz qurğuları istehsalı şirkətinin Xürrəmşəhr şəhərində yerləşən zavodunda partlayış baş verib. Bu barədə İran televiziyasının rəsmi xəbər saytı "iribnews" məlumat verir. Məlumata əsasən, partlayışa İran-İraq müharibəsi dövründən qalmış mina səbəb olub. Hadisə nəticəsində bir nəfər ölüb, iki nəfər yaralanıb.
İranın dəniz qurğuları istehsalı şirkətinin Xürrəmşəhr şəhərindəki zavod neft və qaz platformaları istehsal edir.