Azərbaycan, Bakı, 12 mart /Trend, müxbirlər T.Cəfərov, E.Tariverdiyeva /
RF Təhlükəsizlik Şurası katibinin köməkçisi Yevgeni Lukyanov İrana səfər edəcək. Trend-in məlumatına görə, bu barədə ISNA agentliyi İranın Moskvadakı səfiri Rza Səcadiyə istinadən xəbər yayıb.
Lukyanov Tehranda İranın Ali Milli Təhlükəsizlik Şurası katibinin müavini Əli Bağiri və başqa rəsmilərlə görüşlər keçirəcək.
Görüşlərdə regionda, Əfqanıstan və Suriyadakı vəziyyət, İranın nüvə proqramı və başqa məsələlər müzakirə olunacaq.