Azərbaycan, Bakı, 11 aprel /Trend, müxbir A. Tağıyeva/
Türkiyə Prezidenti və Baş nazirinin adına universitetlər olacaq. Bu barədə çərşənbə günü Trend Türkiyənin "Resmi Gazete" qəzetinə istinadən məlumat verir.
Belə ki, Rizə şəhərindəki universitetin (Rize Üniversitesi) adı dəyişdirilərək Rəcəb Tayyib Ərdoğanın adı veriləcək.
Kayseri şəhərindəki universitet (Kayseri Üniversitesi) isə Abdullah Gülün adını daşıyacaq.
Bundan başqa, Zonquldaqdakı universitet (Zonguldak Karaelmas Üniversitesi) keçmiş Baş nazir Bülent Ecevit, Konya şəhərində yerləşən universitet (Konya Üniversitesi) isə sabiq Baş nazir Nəcməddin Ərbakanın adını daşıyacaq.