Azərbaycan, Bakı, 19 aprel /Trend, müxbir A.Tağıyeva /
Şimali İraqın kürd administrasiyasının rəhbəri Məsud Bərzani Türkiyəyə səfəri çərçivəsində İraqın sabiq vitse-prezidenti Tariq əl-Haşimi ilə görüşəcək. Trend-in məlumatına görə, bu barədə cümə axşamı "Zaman" qəzeti xəbər verir.
Görüş zamanı İraqdakı vəziyyətin, o cümlədən ölkənin Baş naziri Nuri əl-Malikinin siyasətinin müzakirə olunacağı gözlənilir. Bərzani Türkiyənin bəzi rəsmi şəxsləri, o cümlədən Baş nazir Rəcəb Tayyib Ərdoğan və XİN rəhbəri Əhməd Davudoğlu ilə də görüşlər keçirəcək.
Sünni təriqətindən olan əl-Haşiminin həbsinə order İraqın məhkəmə sistemi tərəfindən 2011-ci il dekabrın 19-da verilib. Lakin Haşimi ölkənin şimalında gizlənir.