Azərbaycan, Bakı, 18 sentyabr /Trend, müxbir R.Hafizoğlu/
Türkiyə ilin sonunadək terrorçu Kürd Fəhlə Partiyasının (PKK) yaraqlıları ilə mübarizədə ciddi uğurlara nail olacaq. Türkiyə Baş nazirinin müavini Bülənt Arınc belə hesab edir.
Trend-in çərşənbə axşamı "Anadolu" agentliyinə istinadən verdiyi məlumata görə, Arınc son vaxtlar PKK yaraqlılarının fəallaşmasının Ankaranın xarici siyasəti ilə bağlı olduğunu bildirib. Onun sözlərinə görə, yaraqlıların bir hissəsi Türkiyə ərazisinə qonşu ölkələrdən - İrandan və Suriyadan keçir.