Azərbaycan, Bakı, 13 iyun /Trend/
Ukraynanın Donetsk vilayətinin Mariupol şəhərində antiterror əməliyyatının aktiv mərhələsi başlayıb. Bu barədə Ukraynanın daxili işlər naziri Arsen Avakov özünün "Facebook" səhifəsində yazıb. Trend-in məlumatına görə, bu barədə cümə günü "Seqodnya" saytı yazıb.
A.Avakov deyib: "Çeçen" ləqəbli avtoritetin başçılıq etdiyi DXR [qondarma "Donetsk Xalq Respublikası"] terrorçularının möhkəmləndiyi rayonun ləğvi üzrə əməliyyat gedir. Mariupolun mərkəzində yerləşən əməliyyat rayonu mühasirəyə alınıb. Əməliyyatda Ukrayna Milli Qvaradiyasının hissələri, DİN-in "Azov" və "Dnepr-1" xüsusi hissələri iştirak edir. Mariupol ətrafındakı blok postlar silahlı qüvvələri təchiz edir".
Onun sözlərinə görə, əməliyyat yerli vaxtla səhər saat 4.50-də başlayıb: "[Əməliyyat] plan üzrə gedir. Uğurludur. Bu müddət ərzində terrorçuların bütün əsas dayaq məntəqələri nəzarət altına götürülüb. Terrorçuların snayper nöqtələri məhv edilib. Terrorçular tərəfdə itkilər hədsiz çoxdur. Bizim tərəfimizdən itki yoxdur - iki döyüşçü yaralanıb. Əməliyyat davam edir".