...

6 ermənini öldürən rusiyalı əsgərin qaçdığı rəsmən təsdiqləndi

Dünya xəbərləri Materials 12 Yanvar 2015 20:45 (UTC +04:00)
Rusiya Müdafiə Nazirliyi Gümrü hərbi bazasından hərbçinin qaçması faktını təsdiqləyib.
6 ermənini öldürən rusiyalı əsgərin qaçdığı rəsmən təsdiqləndi

Azərbaycan, Bakı, 12 yanvar /Trend/

Rusiya Müdafiə Nazirliyi Gümrü hərbi bazasından hərbçinin qaçması faktını təsdiqləyib. Trend-in Ermənistan KİV-ə istinadən verdiyi məlumata görə, hərbçi silah və sursatla Rusiyanın Ermənistandakı bazasından fərarilik edib.

Hadisəni araşdırmaq üçün Rusiya müdafiə nazirinin birinci müavini Arkadi Baxinin başçılıq etdiyi xüsusi komissiya hadisə yerinə göndərilib.

Qeyd edək ki, Ermənistanın Gümrü şəhərində biri 2 yaşlı uşaq olmaqla 6 nəfərdən ibarət ailə amansızcasına qətlə yetirilib. Məlumatı Şirak vilayətinin prokuroru Raffi Aslanyan da təsdiqləyib.

Ermənistan İstintaq Komitəsinin sədri Aqvan Ovsepyanın mətbuat katibi Sona Truzyan bildirib ki, qətldə əsas şübhəli Rusiya bazasının hərbi qulluqçusu Valeri Pavloviç Permyakovdur.

Onun sözlərinə görə, cinayət yerində hərbçi ayaqqabısı, AK 74 avtomat silahı, gilizlər və içində güllə olan daraq tapılıb.

Məqalədə:
Xəbər lenti

Xəbər lenti