Bakı. Trend:
Rusiya prezidenti Vladimir Putin və Türkiyə prezidenti Rəcəb Tayyib Ərdoğan arasında növbəti telefon danışığı olub.
Trend Kremlin mətbuat xidmətinə istinadən məlumat verir ki, telefon söhbəti zamanı V.Putin iqtisadi-ticari əlaqələrin bərpa olunmasında, "Akkuyu" AES və "Türk axını" layihələrinin realizəsində Rusiyanın maraqlı olduğunu ifadə edib.
Kremlin mətbuat xidmətinin məlumatında telefon söhbəti zamanı həmçinin Suriya probleminin də müzakirə olunduğu bildirilir.
Telefon danışığının Türkiyə tərəfinin təşəbbüsü ilə baş tutduğu qeyd olunur.