Təfərrüatlar əlavə olunub (ilk xəbər 03:34-də yayılıb)
Bakı. Trend:
Son məlumatlara əsasən, zəlzələ nəticəsində təxminən 300 nəfər xəsarət alıb, 92 nəfər həlak olub.
Trend "Detik.com" portalına istinadən xəbər verir ki, yaralılardan 73 nəfərin vəziyyəti ağır qiymətləndirilir.
X X X
10:30
İndoneziyada baş vermiş güclü zəlzələ nəticəsində Sumatra sahillərində həlak olanların sayı 54 nəfərə çatıb.
Bu barədə Trend "Assoşieyted Press" agentliyinə istinadən məlumat verir.
78 nəfərin ciddi xəsarət aldığı bildirilir.
X X X
06:36
İndoneziyada baş vermiş zəlzələ nəticəsində ölənlərin sayı 20 nəfərə çatıb.
Bu barədə Trend TASS-a istinadən xəbər verir.
X X X
03:34
İndoneziyanın şimal sahillərində 6,4 bal gücündə zəlzələ baş verib.
Trend-in RİA Novosti-yə istinadən verdiyi məlumata görə, təbii fəlakətin episentri Siqli yaşayış məntəqəsindən 21 kilometr şərqdə olub. Zəlzələnin ocağı 10 kilometr dərinlikdə yerləşib.
Hadisə nəticəsində 4 nəfərin öldüyü bildirilir. Onlarla ev dağılıb.
Sunami təhlükəsi qeyd olunmur.