Bakı. Orxan Quluzadə - Trend:
Türkiyə Hərbi Hava Qüvvələri “Fərat qalxanı” əməliyyatı çərçivəsində Suriyanın şimalındakı Əl-Bab şəhərində terrorçuların mövqelərinə zərbə endirməkdə davam edir.
Bu barədə Trend Türkiyə Silahlı Qüvvələrinin Baş Qərargahına istinadən məlumat verir.
Zərbələr İŞİD terror təşkilatına məxsus 12 məntəqəyə endirilib. Nəticədə 11 terrorçu zərərsizləşdirilib.
Qeyd edək ki, “Fərat qalxanı” əməliyyatı ötən ilin avqust ayından aparılır.