Bakı. Rufiz Hafizoğlu - Trend:
NATO Türkiyəyə hərbi sahədə lazımi dəstək verməyib.
Trend-in məlumatına görə, bunu Türkiyənin Baş naziri Binəli Yıldırım deyib.
Baş nazir bildirib ki, Türkiyənin Suriya tərəfdən raket zərbələri ilə üzləşməsinə baxmayaraq, NATO ölkənin müdafiəsi üçün heç bir addım atmayıb.
O qeyd edib ki, məhz bunun nəticəsi olaraq Türkiyə öz ərazilərini müdafiə etmək üçün Rusiyadan S-400 zenit-raket kompleksləri alır:
"Türkiyənin öz ərazilərini qorumaq üçün bütün zəruri tədbirlər görməyə haqq var".