Bakı. Trend:
ABŞ-da 1963-cü ildə qətlə yetirilən prezident Con Kennedinin qətlinə dair 3500 çox məxfi sənəd dərc edilib.
Trend-in "RİA Novosti"yə istinadən verdiyi məlumata görə, ümumilikdə 2017 ildə Kennedinin qətli ilə bağlı 34000 yaxın sənəd işıq üzü görüb.
Sözügedən sənədlər ABŞ-ın Milli Arxivi tərəfindən dərc olunur.
Təhlükəsizlik məqsədilə təhlil olunmalı 88 sənəd istisna olmaqla, Con Kennedinin qətli ilə bağlı bütün sənədlər tam və ya qismən dərc olunub.