Bakı. Trend:
Hindistanın Lakşadvip adaları yaxınlığında Danimarkanın "Maersk" şirkətinə məxsus konteyner daşıyan gəmidə partlayış baş verib.
Trend-in məlumatına görə, hadisə zamanı gəmidə 27 ekipaj üzvü olub.
Partlayışın səbəbləri hələ məlum deyil.
Ərazidə Hindistanın Sahil mühafizəsi və Dəniz axtarış-xilasetmə əməliyyatlarının əlaqələndirilməsi Mərkəzinin əməkdaşları çalışırlar.
İndiyədək 23 nəfər xilas edilib, 4 nəfər isə itkin düşmüş hesab edilir.