Bakı. Trend:
Meksikada 3 avtomobilin iştirakı ilə baş verən ağır yol qəzası nəticəsində 5 nəfər diri-diri yanıb.
Bu barədə Trend RİA Novosti-yə istinadən xəbər verir.
Qeyd olunur ki, Moreliya - Sinapekuaro yolunda yük, minik avtomobilləri və yolsuzluq maşını toqquşublar.
Zərbə nəticəsində alışan minik avtomobilində olan sərnişinlərin hamısı hadisə yerində həlak olublar. Yolsuzluq avtomobilində olan sərnişinlər yaralanıblar, yük maşınının sürücüsü isə hadisə yerindən qaçıb.