Bakı. Trend:
Finlandiyanın Turku şəhərində 2017-ci ildə terror aktı törətməkdə şübhəli bilinən mərakeşli qaçqın ömürlük həbs cəzası alıb.
Trend-in məlumatına görə, mərakeşli iki nəfərin ölümündə və daha 8 dinc sakinin yaralanmasında təqsirli bilinir.
23 yaşlı Abdurrəhman Buanan 2017-ci il avqustun 18-də Turku şəhərində bu cinayəti törədib. Ölənlərin hər ikisi qadındır.
Vəkili bu cinayətin məişət zəminində törədildiyini desə də, mərakeşli terror aktı törətdiyini etiraf edib.
A.Buanan 2016-cı ildə Finlandiyaya miqrasiya edib.